پشاور،غیر قانونی لکڑی سے بھرا کنٹینر پکڑ لیا گیا۔

پشاور/لوئر دیر (بیورو رپورٹ) خیبر پختونخوا کے ضلع لوئر دیر میں محکمہ جنگلات نے ایک کامیاب کارروائی کے دوران غیر قانونی لکڑی کی اسمگلنگ کی بڑی کوشش ناکام بنا دی ہے۔
محکمہ جنگلات کے حکام کے مطابق کارروائی کے دوران ایک مشتبہ کنٹینر کو قبضے میں لیا گیا جو قیمتی لکڑی سے بھرا ہوا تھا۔
حکام نے انکشاف کیا ہے کہ مذکورہ کنٹینر کو خصوصی طور پر لکڑی کی اسمگلنگ کے لیے ڈیزائن کیا گیا تھا تاکہ اسے عام مال بردار گاڑی ظاہر کر کے قانون نافذ کرنے والے اداروں کو دھوکہ دیا جا سکے۔
کارروائی کے دوران موقع پر موجود دو افراد کو گرفتار کر لیا گیا ہے۔
محکمہ جنگلات کے ترجمان کا کہنا ہے کہ اسمگلنگ میں ملوث دونوں ملزمان کے خلاف فارسٹ ایکٹ کے تحت سخت قانونی کارروائی عمل میں لائی جائے گی اور جنگلات کے تحفظ کے لیے ایسی کارروائیاں مزید تیز کی جائیں گی۔