بنوں: فتنہ الخوارج کا سرغنہ اور خودکش حملہ آور ہلاک

راولپنڈی/بنوں (آئی ایس پی آر): پاک فوج کے شعبہ تعلقاتِ عامہ (ISPR) کے مطابق سیکیورٹی فورسز نے ضلع بنوں میں دہشت گردوں کی موجودگی کی اطلاع پر ایک کامیاب انٹیلیجنس بیسڈ

آپریشن کیا ہے۔

آپریشن کے دوران شدید فائرنگ کے تبادلے میں بھارتی سرپرستی میں سرگرم ‘فتنہ الخوارج’ کے دو اہم دہشت گرد جہنم واصل کر دیے گئے۔

ہلاک ہونے والا خارجی وحید اللہ انتہائی مطلوب دہشت گردوں کی فہرست میں شامل تھا۔ وہ معصوم شہریوں کے قتل اور سیکیورٹی فورسز پر متعدد حملوں میں ملوث تھا۔

وحید اللہ 21 فروری 2026 کو بنوں میں ہونے والے اس خودکش حملے کا مرکزی سہولت کار تھا جس میں لیفٹیننٹ کرنل گل فراز نے جامِ شہادت نوش کیا تھا۔

آپریشن میں ایک خودکش بمبار بھی مارا گیا، جس کے قبضے سے خودکش جیکٹ، اسلحہ اور بھاری مقدار میں گولہ بارود برآمد ہوا۔

آئی ایس پی آر کے مطابق سیکیورٹی فورسز کی اس بروقت کارروائی نے دہشت گردی کے ایک بڑے منصوبے کو ناکام بنا دیا ہے۔ علاقے میں موجود دیگر ممکنہ دہشت گردوں کے خاتمے کے

لیے کلیئرنس آپریشن جاری ہے۔

اعلامیہ میں اس عزم کا اعادہ کیا گیا کہ سیکیورٹی فورسز وفاقی ایپکس کمیٹی کے منظور کردہ نیشنل ایکشن پلان اور “عزمِ استحکام” وژن کے تحت غیر ملکی سرپرستی میں ہونے والی دہشت

گردی کے مکمل خاتمے تک اپنی کارروائیاں جاری رکھیں گی