راولپنڈی ( خبردار نیوز ) سیکیورٹی فورسز نے خیبر پختونخوا میں پاک-افغان سرحد پر دہشت گردوں کی دراندازی کی دو الگ الگ کوششوں کو مؤثر طریقے سے ناکام بناتے ہوئے فتنہ
الخوارج کے 13 دہشت گردوں کو جہنم واصل کر دیا۔
پاک فوج کے شعبہ تعلقات عامہ (آئی ایس پی آر) کے مطابق، پہلی کارروائی ضلع مہمند میں سرحد عبور کرنے کی کوشش کے دوران کی گئی۔ سیکیورٹی فورسز نے فوری اور بھرپور جوابی
کارروائی کرتے ہوئے 8 خوارج کو ہلاک کر دیا۔
دراندازی کی دوسری کوشش شمالی وزیرستان کے علاقے میں کی گئی، جہاں سیکیورٹی فورسز نے دہشت گردوں کا راستہ روکا۔ شدید فائرنگ کے تبادلے میں مزید 5 خارجی دہشت گرد مارے
گئے۔ آئی ایس پی آر کا کہنا ہے کہ مارے گئے دہشت گرد بھارتی اسپانسرڈ فتنہ الخوارج سے تعلق رکھتے تھے۔
ترجمان پاک فوج کے مطابق، پاکستان نے مسلسل افغانستان سے کہا ہے کہ وہ اپنی سرحد کی مؤثر نگرانی کو یقینی بنائے اور اپنی سرزمین پاکستان کے خلاف استعمال نہ ہونے دے۔ سیکیورٹی
فورسز ملک کی سرحدوں کی حفاظت اور دہشت گردی کے عفریت کے خاتمے کے لیے پوری طرح پرعزم ہیں۔
