اسلام آباد ( خبردار مانیٹرنگ ڈیسک ) سابق ڈی جی آئی ایس آئی لیفٹیننٹ جنرل ریٹائر فیض حمید کے خلاف کورٹ مارشل کی کاروائی کا آغاز کر دیا گیا،
آئی ایس پی آر کی جانب سے جاری ایک بیان میں کہا گیا ہے کہ سپریم کورٹ کے احکامات کی روشنی میں پاک فوج نے فیض حمید کے خلاف انکوائری کی تھی،
جس کے بعد لیفٹیننٹ جنرل ریٹائر فیض حمید کو فوجی تحول میں لے لیا گیا،
آئی ایس پی آر کے مطابق لیفٹیننٹ جنرل ریٹائر فیض حمید کیخلاف ٹاپ سٹی کیس میں شکایات موصول ہوئی تھیں
لیفٹیننٹ جنرل فیض حمید (ریٹائرڈ) کے خلاف پاکستان آرمی ایکٹ کی دفعات کے تحت مناسب تادیبی کارروائی شروع کر دی گئی ہے
بتایاگیا ہے کہ فیض حمیدکیخلاف ریٹائرمنٹ کے بعد پاکستان آرمی ایکٹ کی خلاف ورزی کے متعدد واقعات بھی سامنے آئے ہیں
جس کے باعث لیفٹیننٹ جنرل فیض حمید (ریٹائرڈ) کے خلاف فیلڈ جنرل کورٹ مارشل کا عمل شروع کر دیا گیا
