راولپنڈی: سہ ملکی سیریز کے دوسرے میچ میں پاکستان نے عرفات منہاس کی شاندار بولنگ کی بدولت انگلینڈ کو 87 رنز سے شکست دے دی۔ 303 رنز کے ہدف کے تعاقب میں انگلینڈ کی پوری ٹیم 39ویں اوور میں 215 رنز بنا کر آؤٹ ہوگئی۔
پاکستان کی جانب سے عرفات منہاس نے تباہ کن بولنگ کا مظاہرہ کرتے ہوئے 8.4 اوورز میں 40 رنز دے کر 6 کھلاڑیوں کو پویلین کی راہ دکھائی، جبکہ حارث رؤف نے 2 اور نسیم شاہ نے ایک وکٹ حاصل کی۔
انگلینڈ کی جانب سے ٹام بینٹن 57 رنز بنا کر نمایاں رہے۔ بین ڈکٹ نے 45، جو روٹ نے 33، سیم کرن نے 27، ول جیکس نے 19، جورڈن کاکس نے 18، گس ایٹکنسن نے 7 اور کپتان ہیری بروک نے 5 رنز بنائے۔ جیمی اوورٹن ایک جبکہ عادل راشد بغیر کوئی رن بنائے آؤٹ ہوئے۔
اس سے قبل انگلینڈ نے ٹاس جیت کر پاکستان کو پہلے بیٹنگ کی دعوت دی، جس پر قومی ٹیم نے مقررہ 50 اوورز میں 9 وکٹوں کے نقصان پر 302 رنز بنائے۔
پاکستان کی جانب سے حسن نواز نے 79 رنز کی عمدہ اننگز کھیلی، جبکہ عرفات منہاس نے 59 رنز بنا کر بیٹنگ میں بھی اہم کردار ادا کیا۔ فہیم اشرف نے 39، سعد بیگ نے 35، بابر اعظم نے 34 اور سلمان آغا نے 16 رنز اسکور کیے۔ صائم ایوب 8، نسیم شاہ ایک اور فخر زمان بغیر کوئی رن بنائے آؤٹ ہوئے، جبکہ کپتان شاہین شاہ آفریدی 10 اور حارث رؤف 4 رنز کے ساتھ ناٹ آؤٹ رہے۔
انگلینڈ کی جانب سے سونی بیکر نے 3 اور گس ایٹکنسن نے 2 وکٹیں حاصل کیں، جبکہ جیمی اوورٹن، ول جیکس، عادل راشد اور سیم کرن نے ایک، ایک کھلاڑی کو آؤٹ کیا۔
پاکستان نے پہلے بیٹنگ کرتے ہوئے 302 رنز کا مجموعہ بنایا اور پھر عرفات منہاس کی عمدہ بولنگ کی بدولت انگلینڈ کو 215 رنز پر محدود کرکے میچ 87 رنز سے اپنے نام کرلیا۔
