اسلام آباد ( خبردار نیوز ) نیشنل انسٹی ٹیوٹ آف ہیلتھ میں پولیو کے خاتمے کے لیے ریجنل ریفرنس لیبارٹری نے پاکستان میں 41 ویں وائلڈ پولیو وائرس ٹائپ 1 (WPV1) کیس کی تصدیق کی ہے۔
جمعہ، 25 اکتوبر 2024 کو، لیب نے بلوچستان کے ضلع لورالائی سے تعلق رکھنے والے ایک بچے میں ٹائپ 1 وائلڈ پولیو وائرس کی تصدیق کی،
جسے 8 اکتوبر 2024 کو فالج ہوا تھا۔
لورالائی سے پولیو کا یہ پہلا کیس ہے اور اس سال پاکستان کا 41واں کیس ہے۔ اب تک بلوچستان سے 21، سندھ سے 12، خیبرپختونخوا سے 6 اور پنجاب اور اسلام آباد سے ایک ایک کیس رپورٹ ہوا ہے۔
رپورٹ کے مطابق بچے سے حاصل کیے گئے نمونوں کی جینیاتی ترتیب کا کام جاری ہے۔
