اسلام آباد ( مانیٹرنگ ڈیسک ) صدر مملکت نے وزیراعظم شہباز شریف کی جانب سے بھجی گئی سمری پر دستخط کردیئے جس کے بعد خیبر پشتونخوا میں ایمرجنسی اور گورنرنافذکردی گئی
اس کے قبلوزیراعظم شہباز شریف کی زیرِ صدارت ہونے والے وفاقی کابینہ کے اہم اجلاس میں آئینی آرٹیکل 232 اور 234 کے تحت خیبر پختونخوا میں ایمرجنسی اور گورنر راج نافذ کرنے کا فیصلہ کیا گیا تھا ۔
اس فیصلے سے متعلق اہم تفصیلات درج ذیل ہیں:
صوبے میں امن و امان کی ابتر صورتحال، دہشت گردی کے بڑھتے ہوئے واقعات اور سیکیورٹی چیلنجز کے پیش نظر آئین کے آرٹیکل 232 اور 234 کے نفاذ کا فیصلہ کیا گیا تھا
ذرائع کے مطابق منظوری کے بعد گورنر خیبر پختونخوا (فیصل کریم کنڈی) کو صوبے کے چیف ایگزیکٹو کے اختیارات سونپے جانے کا امکان ہے، اور وہ صوبے کا انتظامی کنٹرول سنبھالیں گے۔
اجلاس میں خیبر پختونخوا میں آئی ای ڈی حملوں میں اضافے اور صوبائی حکومت کی سیکیورٹی پالیسی سے متعلق قانون نافذ کرنے والے اداروں اور حساس اداروں کی خصوصی رپورٹس پیش کی گئیں، جن میں سی ٹی ڈی (CTD) کی استعداد کار میں کمی اور انسدادِ دہشت گردی کے اقدامات پر عدم توجہی پر تشویش کا اظہار کیا گیا۔
اس اہم فیصلے کی توثیق اور پارلیمانی کارروائی کے لیے قومی اسمبلی اور سینیٹ کے اجلاس بھی طلب کیے گئے ہیں۔
یہ فیصلہ ایسے وقت میں سامنے آیا ہے جب وفاقی حکومت اور صوبائی انتظام کے درمیان کشیدگی اور اسلام آباد کی طرف مارچ جیسے سیاسی تنازعات عروج پر ہیں۔
