کوئٹہ سمیت بلوچستان بھر کے مختلف شہروں میں پہیہ جام ہڑتال

کوئٹہ ( ٌ خبردار نیوز ) جمعیت علماءاسلام کی کال پر آج کوئٹہ سمیت بلوچستان کے مختلف شہروں میں پہیہ جام ہڑتال ہے جمعیت کی جانب سے پہیہ جام ہڑتال حلقہ پی بی 45 پر مبینہ دھاندلی

کے خلاف کی جارہی ہے

جمعیت علماءاسلام کے کارکنوں نے سونا خان تھانے کے قریب قومی شاہراہ کو ٹائر جلا کر بلاک کردیا جس کے باعث خضدار میں کوشک کے مقام پر کوئٹہ کراچی قومی شاہراہ بند ہیں اس

کے علاوہ ضلع نوشکی میں اسٹیشن کے مقام پر کوئٹہ تفتان قومی شاہراہ ٹریفک کے لیے بند ہے

قلعہ سیف اللہ میں جمعیت علماءاسلام کے کارکنوں نے بلوچستان کو پنجاب سے ملانے والی قومی شاہراہ کو بند کردی

سڑکوں کی بندش کی وجہ سے قومی شاہراہوں پر سفر کرنے والے مسافروں کو شدید مشکلات کا سامنا ہے

انہوں نے حکومت سے مطالبہ کیا ہے کہ قومی شاہراہوں کی جلد بحالی کے لیے اقدامات کرے