چاغی (نیوز ڈیسک): بلوچستان کے ضلع چاغی میں مائننگ کمپنی کی سائٹ پر نامعلوم مسلح افراد کے حملے میں نو افراد جاں بحق ہو گئے۔
پولیس ذرائع کے مطابق حملہ داریگوان کے علاقے میں واقع ایک نجی مائننگ کمپنی کے کیمپ پر کیا گیا۔
پولیس ذرائع نے بتایا کہ مسلح افراد نے اچانک مائننگ سائٹ کو نشانہ بنایا اور اندھا دھند فائرنگ کی، جس کے نتیجےa میں وہاں موجود 9 افراد موقع پر ہی جاں بحق ہو گئے۔ جاں بحق ہونے
والوں میں 6 مزدور اور کمپنی کے دیگر عملے کے ارکان شامل ہیں۔
حملہ آوروں نے صرف جانی نقصان پر ہی بس نہیں کیا بلکہ سائٹ پر موجود قیمتی بھاری مشینری اور دیگر آلات کو بھی نذرِ آتش کر دیا،
جس سے کمپنی کو کروڑوں روپے کا مالی نقصان پہنچا ہے۔
واقعے کی اطلاع ملتے ہی پولیس اور لیویز کی بھاری نفری جائے وقوعہ پر پہنچ گئی اور علاقے کو گھیرے میں لے کر سرچ آپریشن شروع کر دیا گیا ہے۔
لاشوں کو ضروری کارروائی کے لیے قریبی اسپتال منتقل کر دیا گیا ہے۔
حکام کا کہنا ہے کہ ملزمان کی گرفتاری کے لیے تمام وسائل بروئے کار لائے جا رہے ہیں، تاہم ابھی تک کسی گروہ نے حملے کی ذمہ داری قبول نہیں کی۔
Leave a Reply