کوئٹہ ( خبردارنیوز ) کوئٹہ کے نواحی علاقے نو حصار میں نامعلوم چوروں نے نجی گیس کمپنی کے دفتر میں چوری کی واردات کرکے 14 لاکھ روپے لے کر رفوچکر ہوگئے
اطلاعات کے مطابق نواحی علاقے نوحصار میں گذشتہ شب نامعلوم چور ایک نجی ایل پی جی گیس کمپنی کےدفتر میں داخل ہوے ہیں اور چوری کی واردات کی ہے
پولیس کے مطابق چور نجی گیس کمپنی کےدفترسے14لاکھ روپے لےکر فرار ہوگئے
بتایاگیا ہے کہ چور نجی گیس کمپنی کےدفتر کے دروازےتوڑ کر اندرگھسے تھے،
پولیس نے مقدمہ درج کرکے تحقیقات شروع کردی ابھی تک کوئی گرفتاری عمل میں نہیں آئی ہے
تاہم سی سی ٹی وی فوٹیج میں دیکھا جاسکتا ہے کہ تین نامعلوم چور نجی کمپنی کے دفتر کا دروازہ توڑ کریکے بعد دیگر اندر داخل ہوتے ہیں
جس کے بعد وہ موبائل کی روشنی میں مختلف دراز اور تجویری کھول کر نقدی رقم اور مختلف بنکوں کے چیک لیکر فرار ہوجاتے ہیں
تاہم یہ معلوم نہ ہوسکا کہ ڈکیتی کے وقت نجی کمپنی کے دفتر میں کوئی چوکیدار وغیرہ موجود تھے کہ نہیں ؟
