کوئٹہ ( خبردار نیوز ) وزیراعلی بلوچستان میر سرفراز بگٹی نے کہا ہے کہ لینڈ مافیا کےخلاف کاروائی تیز کریں اس مقصد کے لیے انتظامیہ کو لینڈ مافیا کے خلاف آپریشن تیز کرنے کی
ہدایت کی ہے
وزیر اعلیٰ بلوچستان میر سرفراز بگٹی کی صدارت میں ایک اعلیٰ سطحی اجلاس اج کوئٹہ میں ہوا جس میں صوبے میں لینڈ مافیاء کے خلاف کارروائی کی پیش رفت کا جائزہ لیا گیا
اجلاس میں چیف منسٹر کمپلینٹ سیل میں قبضہ مافیاء کے خلاف درج ہونے والی شکایات پر غور کیا گیا
اس موقع پر وزیر اعلیٰ نے لینڈ مافیاء کے خلاف آپریشن تیز کرنے کا حکم دیتے ہوے یدایت کی کہ قبضہ مافیاء سے تمام مقبوضہ اراضی واہ گزار کرائی جائے
انہوں نے کہا کہ کوئی قانون سے بالا تر نہیں، بلا امتیاز کارروائی کی جائے
اس سے قبل کمشنر کوئٹہ ڈویژن حمزہ شفقات نےاجلاس کو بریفنگ دیتے ہوے بتایاکہ چشمہ اچوزئی میں قبضہ مافیاء سے اراضی واہ گزار کرالی گئی
تاہم انکے مطابق چھ مساجد اور چار مدارس کے علاوہ تمام تجاوزات ہٹا دی گئیں ہیں
اور مقبوضہ اراضی پر دوبارہ تعمیرات کو روکوانے کے لیے اقدامات کررہے ہیں
اجلاس میں اراکین صوبائی اسمبلی، چیف سیکرٹری بلوچستان، ایڈیشنل چیف سیکرٹری داخلہ، آئی جی پولیس بلوچستان اور اعلیٰ حکام نے شرکت کی
