کوئٹہ ( خبردار نیوز ) حکومت بلوچستان کے ترجمان شاہد رند نے کہا ہے کہ مستونگ میں حملے کے فوراً بعد سیکورٹی فورسز نے بروقت اور مؤثر کاروائی کی
اور ردعمل میں 4 دہشتگرد ہلاک کیے گئے
یہ بات ترجمان حکومت بلوچستان شاہد رند نے جمعرات کو کویٹہ میں پریس کانفرنس کرتے ہوئے مستونگ واقعے، سیکیورٹی اقدامات اور حالیہ بجٹ میں کیے گئے
انتظامی فیصلوں پر روشنی ڈالی۔
انہوں نے بتایا کہ گزشتہ روز مستونگ میں ایک افسوسناک واقعہ پیش آیا جس کے بعد کچھ دیر کیلئے یہ تاثر پیدا ہوا کہ دہشتگرد ریاست پر حاوی ہیں،
تاہم حکومت نے فوری طور پر اپنے سیکیورٹی پلان پر نظرثانی کی، جس کے نتیجے میں فورسز کے بروقت اور مؤثر ردعمل میں 4 دہشتگرد ہلاک کیے گئے۔
شاہد رند کا پریس کانفرنس کرتے ھوئے کہنا تھا کہ حالیہ بجٹ میں ڈسٹرکٹ کوآرڈینیشن کمیٹی (ڈی سی سی ) کے قیام کا فیصلہ کیا گیا ہے
تاکہ ضلعی سطح پر انتظامیہ کو بااختیار بنایا جا سکے۔
انہوں نے واضح کیا کہ کسی ڈپٹی کمشنر کو پراجیکٹ ڈائریکٹر ( پی ڈی ) نہیں لگایا گیا۔
انہوں نے مستونگ میں بینک ڈکیتی کے واقعے پر بھی بات کرتے ہوئے کہا کہ 4 کروڑ روپے لوٹے گئے،
انکے مطابق بینکوں کی حفاظت کی ذمہ داری نجی سیکیورٹی پر ہوتی ہے، تاہم حکومت سرکاری املاک کے ساتھ ساتھ بینکوں کی حفاظت کیلئے بھی سنجیدہ اقدامات
اٹھا رہی ہے
