راولپنڈی (نیوز ڈیسک) پاک فوج کے شعبہ تعلقات عامہ ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ “آپریشن غضب الحق ” میں اب تک 274 افغان طالبان رجیم
کے اہلکار اور خوارج ہلاک جبکہ 400 زخمی ہو چکے ہیں۔ کارروائی میں دشمن کے 150 ٹینکس، بکتر بند گاڑیاں اور 73 چیک پوسٹیں تباہ کر دی گئی ہیں۔ پاک فوج نے دشمن کی 18 اہم
پوسٹیں بھی اپنے قبضے میں لے لی ہیں۔
ڈی جی آئی ایس پی آر یہ بات آج میڈیا کو برئفنگ دیتے ہوئےبتائی اور کہا کہ پاکستانی فورسز کی موثر کارروائیوں کے نتیجے میں دشمن کو بھاری جانی و مالی نقصان کا سامنا کرنا پڑا ہے۔
ترجمان پاک فوج کے مطابق آپریشن کے آغاز سے اب تک 274 افغان طالبان رجیم کے اہلکار اور خوارج ہلاک کیے جا چکے ہیں، جبکہ 400 سے زائد کے زخمی ہونے کی اطلاعات ہیں۔
ڈی جی آئی ایس پی آر نے بتایا کہ سرحد پار سے ہونے والی کسی بھی جارحیت کا بھرپور جواب دیا جا رہا ہے۔ آپریشن کے دوران اب تک کی اہم کامیابیاں درج ذیل ہیں:
پاک افغان سرحد کے ساتھ دشمن کی 73 پوسٹیں مکمل طور پر تباہ کر دی گئی ہیں۔اور ایک محتاط اندازے کے مطابق اب تک دشمن کے 150 ٹینکس اور بکتر بند گاڑیاں تباہ کی جا چکی ہیں۔
جبکہ پاک فوج نے کارروائی کے دوران دشمن کی 18 اہم چیک پوسٹیں اپنی تحویل میں لے لی ہیں اور وہاں اپنا کنٹرول حاصل کر لیا ہے۔
انہوں نے واضع کیا کہ یہ آپریشن ملکی سالمیت اور سرحدوں کے دفاع کو یقینی بنانے کے لیے کیا جا رہا ہے۔ دشمن کی جانب سے کسی بھی قسم کی دراندازی یا جارحیت کی صورت میں پاک
فوج خاموش نہیں رہے گی اور اسی طرح دندان شکن جواب دیا جاتا رہے گا۔
