اسلام آباد (نیوز ڈیسک)ترجمان دفترِ خارجہ طاہر اندرابی نے ہفتہ وار میڈیا بریفنگ کے دوران مشرقِ وسطیٰ کی کشیدگی اور پاکستان کی سفارتی کوششوں پر تفصیلی روشنی ڈالی ہے۔
ترجمان نے واضح کیا کہ ایران اور امریکہ کا مذاکرات کے لیے پاکستان پر اعتماد کرنا ملک کے لیے ایک بڑا اعزاز ہے، اور پاکستان خطے میں امن و استحکام کے لیے اپنا بھرپور کردار ادا
کر رہا ہے۔
پاک چین 5 نکاتی فارمولہ: وزیر خارجہ اسحاق ڈار کے حالیہ دورہ چین کے حوالے سے بتایا گیا کہ دونوں ممالک نے مشرقِ وسطیٰ میں امن کی بحالی کے لیے ایک 5 نکاتی فارمولہ پیش کیا
ہے،
جسے بین الاقوامی سطح پر سراہا گیا ہے۔ اس فارمولے میں فوری جنگ بندی اور سفارت کاری کو واحد راستہ قرار دیا گیا ہے۔
علاقائی حملوں کی مذمت: پاکستان نے ایران، خلیجی ممالک اور کویت پر ہونے والے حملوں کی شدید مذمت کی ہے۔ ترجمان نے کہا کہ کشیدگی کسی بھی ملک کے مفاد میں نہیں اور مسلم امہ
امن کے لیے پرعزم ہے۔
وزیراعظم شہباز شریف نے کویتی ولی عہد، ایرانی صدر اور یورپی کونسل کے صدر سے ٹیلیفونک رابطے کیے، جن میں اعتماد سازی اور امن کی کوششوں پر تبادلہ خیال کیا گیا۔
آبنائے ہرمز اور بحری تحفظ: ایران نے روزانہ دو پاکستانی جہازوں کو آبنائے ہرمز سے گزرنے کی اجازت دے دی ہے۔ ترجمان نے تمام فریقین سے اپیل کی کہ وہ بحری راستوں اور وہاں
پھنسے جہازوں کے عملے کی حفاظت کو یقینی بنائیں۔
افغانستان اور ارمچی مذاکرات: پاکستانی وفد اس وقت چین کے شہر ارمچی میں افغان حکام سے بات چیت کر رہا ہے، جو پاکستان کے اصولی موقف کا تسلسل ہے۔
ترجمان نے ان خبروں کو غلط قرار دیا کہ پاکستان کے ذریعے ایران پر دباؤ ڈلوایا جا رہا ہے۔ انہوں نے یہ بھی واضح کیا کہ امریکی نائب صدر یا کسی وفد کی اسلام آباد آمد کا فی حال کوئی
علم نہیں ہے۔
Leave a Reply