بلوچستان حکومت کا ٹریفک اہلکار کو گاڑی سے کچلنے کے واقعہ کا سختی سے نوٹس

کوئٹہ (خبردار نیوز) حکومت بلوچستان نے ٹریفک پولیس اہلکار پر گاڑی چڑھانے کے واقعے کا سختی سے نوٹس لے لیا ھے
بابر یوسفزئی معاون برائے داخلہ حکومت بلوچستان کی جانب سے ایک بیان میں کہا گیا ہے کہ ٹریفک پولیس اہلکار پر گاڑی چڑھانے والے ملزم کو کسی صورت معاف نہیں کیا جائے گا
انہوں نے عوام سے اپیل ہے کہ گاڑی چلانے والے شخص کی شناخت میں مدد کریں
اگر کسی شخص کے پاس ملزم کے حوالے سے کوئی بھی معلومات ہوں تو فوری آگاہ کیا جائے
بابر یوسفزئی کے مطابق کسی کو قانون ہاتھ میں لینے اور ٹریفک قوانین کی خلاف ورزی کی اجازت نہیں دی جائے گی جبکہ زخمی ٹریفک پولیس اہلکار کا علاج حکومتی خرچ پر کرایا جائے گا اور قانون شکن عناصر کو منطقی انجام تک پہنچایا جائے گا
انکےمطابق حکومت اور قانون نافذ کرنے والے ادارے واقعے میں ملوث ملزم کے خلاف کارروائی کریں گے