لاہور ( خبردار ڈیسک ) لاہور کے پوش علاقے ڈیفنس بی میں چینی باشندے کے گھر میں ہونے والی بڑی چوری کی واردات کا پولیس نے سراغ لگا لیا۔
ملزمان گھر کے ہی ملازمین نکلے، جنہوں نے ایک کروڑ 80 لاکھ روپے چوری کر کے فرار ہو گئے تھے۔
اے ایس پی ڈیفنس شہر بانو نقوی نے تھانہ ڈیفنس بی میں پریس کانفرنس کرتے ہوئے بتایا کہ واردات 30 جون کی دوپہر پیش آئی۔
ڈی آئی جی آپریشنز نے ایس پی کینٹ کو ملزمان کی فوری گرفتاری کا خصوصی ٹاسک دیا، جس پر پولیس نے جدید ٹیکنالوجی، سی سی ٹی وی فوٹیج اور انٹیلی جنس
کی مدد سے کارروائی کی۔
کارروائی کے دوران ملزمان کو بہاولپور سے 36 گھنٹوں کے اندر گرفتار کر لیا گیا۔
اے ایس پی کے مطابق ملزمان کے قبضے سے ایک کروڑ 20 لاکھ روپے کی نقدی برآمد کر لی گئی ہے، جبکہ مزید رقم کی برآمدگی کے لیے چھاپے مارے جا رہے
ہیں۔
ملزمان کے خلاف مقدمہ درج کر لیا گیا ہے اور مزید تفتیش جاری ہے۔ پولیس حکام کے مطابق ملزمان کو قرار واقعی سزا دلوانے کے لیے قانونی کارروائی بھرپور
طریقے سے کی جائے گی۔
