کوئٹہ: پشتون آباد تھانہ پر نامعلوم مسلح افراد کا حملہ

کوئٹہ (نیوز ڈیسک)صوبائی دارالحکومت کوئٹہ کے علاقے پشتون آباد میں نامعلوم مسلح افراد نے پولیس تھانے پر فائرنگ کی ہے، تاہم واقعے میں کسی قسم کے جانی نقصان کی اطلاع نہیں

ملی۔

پولیس ذرائع کا کہنا ہے کہ ایک موٹر سائیکل پر سوار تین مسلح ملزمان نے تھانہ پشتون آباد کے مین گیٹ پر اچانک فائرنگ شروع کر دی۔ پولیس کی بھرپور جوابی کارروائی کے بعد حملہ آور

اپنی موٹر سائیکل موقع پر ہی چھوڑ کر قریبی گلیوں میں پیدل فرار ہونے میں کامیاب ہو گئے۔

واقعے کے فوری بعد پولیس کی بھاری نفری جائے وقوعہ پر پہنچ گئی اور علاقے کو گھیرے میں لے کر سرچ آپریشن شروع کر دیا گیا ہے۔

پولیس نے حملہ آوروں کی موٹر سائیکل قبضے میں لے کر ملزمان کی شناخت اور گرفتاری کے لیے تحقیقات کا آغاز کر دیا ہے۔ تھانے کی سیکیورٹی مزید سخت کر دی گئی ہے۔