آمن کے لیے پاکستان کی کوشش جاری ہے شہباز شریف

اسلام آباد (نیوز ڈیسک): وزیراعظم محمد شہباز شریف اور جاپان کی وزیراعظم کے درمیان ٹیلی فون پر رابطہ ہوا ہے،

جس میں عالمی و علاقائی صورتحال سمیت باہمی دلچسپی کے امور پر تفصیلی گفتگو کی گئی۔

گفتگو کے دوران پاکستان کی میزبانی میں ہونے والے امریکہ اور ایران کے حالیہ مذاکرات پر خصوصی تبادلہ خیال کیا گیا۔

جاپانی وزیراعظم نے جنگ بندی کی کوششوں اور دونوں ممالک کے درمیان مذاکرات کے انعقاد میں پاکستان کے فعال سفارتی کردار کو زبردست الفاظ میں سراہا۔ انہوں نے خطے میں امن و

استحکام کے لیے پاکستان کی کاوشوں کو عالمی امن کے لیے ناگزیر قرار دیتے ہوئے امن عمل کی مکمل حمایت کا یقین دلایا۔

وزیراعظم شہباز شریف نے جاپانی ہم منصب کی جانب سے نیک خواہشات اور تعاون کی یقین دہانی پر ان کا شکریہ ادا کیا۔

وزیراعظم نے اس عزم کا اعادہ کیا کہ پاکستان جنگ بندی کو برقرار رکھنے اور خطے کو تنازعات سے پاک کرنے کے لیے اپنی مخلصانہ کوششیں جاری رکھے گا۔

ملاقات میں دونوں رہنماؤں نے پاکستان اور جاپان کے درمیان مختلف شعبوں میں دوطرفہ تعاون کو مزید مستحکم کرنے کی خواہش کا اظہار کیا۔

دونوں وزرائے اعظم نے اتفاق کیا کہ مستقبل میں بھی اہم علاقائی اور عالمی مسائل پر قریبی رابطہ برقرار رکھا جائے گا تاکہ باہمی شراکت داری کو نئی بلندیوں تک پہنچایا جا سکے