اسٹیٹ بینک کے مطابق مجموعی طور پر 3.45 ارب ڈالر کے ڈپازٹس کی واپسی مکمل کر دی گئی ہے۔
پاکستان نے متحدہ عرب امارات کو مزید ایک ارب ڈالر واپس کر دیے۔
اسٹیٹ بینک آف پاکستان کے مطابق ابو ظہبی فنڈ برائے ترقی کو ایک ارب ڈالر کی ادائیگی 23 اپریل کو کی گئی۔ مرکزی بینک نے بتایا کہ اس سے پہلے گزشتہ ہفتے 2.45 ارب ڈالر بھی واپس کیے جا چکے تھے، جس کے بعد مجموعی طور پر 3.45 ارب ڈالر کے ڈپازٹس کی واپسی مکمل ہو گئی ہے۔
اسٹیٹ بینک کے مطابق یہ ادائیگیاں پاکستان کی بیرونی مالی ذمہ داریوں کی تکمیل کا حصہ ہیں اور اس سے ملکی مالی صورتحال کو مضبوط بنانے میں مدد ملے گی۔
