کوئٹہ ( خبردارنیوز )بلوچستان کے وزیرداخلہ میرضیاء لانگو نے کہاکہ بیرون ملک بیٹھے لوگ کا بلوچستان کے حقوق سے کوئی سروکار نہیں بلکہ وہ بیرونی ایجنڈے پر کام کرکے اس
صوبے میں خون کی ہولی کھیل رہے ہیں
وزیرداخلہ بلوچستان میرضیاء اللہ لانگو نے کہا ہے کہ آزاد بلوچستان کے نام پر ملک سے باہر بیٹھے لوگوں کا بلوچستان کے حقوق سے کوئی سروکار نہیں
یہ بات انہوں نے کوئٹہ میں جاری ہونےوالے ایک بیان میں کہی ہے
انہوں نے کہا کہ بیرونی ایجنڈے کو تقویت دینے کے لئے یورپ میں بیٹھے لوگ یہاں آگ اور خون کی ہولی کھیل رہے ہیں
چند نام نہاد بلوچ رہنما یورپ کی شہریت حاصل کر کے اپنے بچوں کیساتھ خوشحال زندگی گزاررہے ہیں
اور وہا ں سے سوشل میڈیا کے ذریعے ہمارے لوگوں کو ورغلایا جارہا ہے
وزیرداخلہ کے مطابق ان نام نہاد لوگوں کوسوشل میڈیا ایکس پر پرپیگنڈے کی بجائے بلوچستان آ کر حالات کا مقابلہ کرنا چاہئے
کیونکہ سوشل میڈیا اور میسجز کے ذریعے حقو ق حاصل نہیں کئے جاسکتے
ضیاء لانگو کے مطابق بلوچستان کے عوام کو اب فیصلہ کرنا ہوگا کہ وہ یورپ کے محلوں میں بیٹھے چند لوگوں کے بھکاوے میں نہیں آئیں گے
کیونکہ دشمن ممالک کو خوش کرنے والوں کا پاکستان بلخصوص بلوچستان کی ترقی و خوشحالی سے کوئی واسطہ نہیں ہے
