ائمپاائرکورس میں ملک بھر سے 65 امیدواروں نے شرکت کی

لاہور ( خبردارنیوز ) پاکستان میں امپائرنگ کے معیار کو عالمی تقاضوں سے ہم آہنگ کرنے کے لیے پاکستان کرکٹ بورڈ کا ایک اور اہم اقدام۔
لاہور کے تاریخی قذافی سٹیڈیم میں 14 سے 17 مئی تک جاری رہنے والا چار روزہ پی سی بی لیول ٹو امپائرنگ کورس کامیابی کے ساتھ اختتام پذیر ہو گیا ہے۔
اس کورس کا بنیادی مقصد ملک بھر سے بہترین اور معیاری امپائرز کو تیار کرکے پی سی بی کے امپائرنگ پینل کا حصہ بنانا ہے۔
کورس میں ملک بھر سے ان 65 امیدواروں نے شرکت کی جو پہلے ہی لیول ون کورس کے ذریعے اپنی صلاحیتیں ثابت کر کے کوالیفائی کر چکے تھے۔
چار روز تک جاری رہنے والے اس سخت تربیتی پروگرام میں امپائرز کی ذہنی اور عملی صلاحیتوں کو پرکھنے کے لیے جدید ٹریننگ سیشنز، تحریری امتحانات اور انٹرویوز کا انعقاد کیا گیا۔
اس دوران سب سے زیادہ توجہ امپائرز کی کمیونیکیشن سکلز، عملی امپائرنگ اور کرکٹ تھیوری پر دی گئی۔
اس چار روزہ کورس کے دوران کئی انتہائی باصلاحیت امیدوار سامنے آئے ہیں۔ تمام شرکاء کی کرکٹ کے قوانین سے متعلق معلومات، ان کی کمیونیکیشن سکلز اور مجموعی شخصیت نے ہمیں بہت متاثر کیا ہے۔
ہم پی سی بی اور امپائرز ڈیپارٹمنٹ کے بے حد شکر گزار ہیں جنہوں نے امپائرنگ کے شعبے میں اس معیار کی تربیت کا اہتمام کیا۔”
عالمی شہرت یافتہ امپائر احسن رضا اور آئی سی سی ایمرجنگ پینل کے امپائر آصف یعقوب کی زیرِ نگرانی مکمل ہونے والے اس کورس سے یہ امید پیدا ہو گئی ہے
کہ آنے والے دنوں میں پاکستان کرکٹ کو ڈومیسٹک اور بین الاقوامی سطح پر نئے اور باصلاحیت امپائرز کی کھیپ دستیاب ہوگی۔