میامی ( خبردارنیوز ) میامی گارڈن مسجد میں سیرت النبی ﷺ کے سلسلے میں محفل کا انعقاد کیا گیا جس میں عاشقان رسول کی ایک بڑی تعداد نے شرکت کی
میامی گارڈن کی مسجد میں سیرت النبی ﷺ کے حوالے سے ایک پرخلوص محفل کا انعقاد کیا گیا جس کا مقصد ہمارے پیارے نبی حضرت محمد ﷺ کی شان میں عقیدت کا اظہار تھا۔
محفل میں مقررین اور نعت خوانوں نے جوشیلے خطبات اور خوبصورت نعتوں کے ذریعے سامعین کے دلوں کو گرمایا۔
ممتاز قبائلی اور مذھبی شخصیت ڈاکٹر ملک سردار خان تاجک کو مسجد کے نئے صدر میاں محمد اسماعیل کی خصوصی دعوت پر محفل میں مدعو کیا گیا
ڈاکٹر ملک سردار خان نے رسول اللہ ﷺ پر درود بھیجنے کی اہمیت کو اجاگر کیا اور تمام مسلمانوں کو پیغام دیا کہ وہ اس دین اسلام کی پیروی جاری رکھیں جو آخری پیغمبر حضرت محمد ﷺ
نے انسانیت کے لیے مکمل فرمایا
یاد رہے کہ ڈاکٹر ملک سردار خان تاجک کی امریکہ اور دیگر ممالک میں مساجد کی تزہین و آرائش کے لیے نمایاں خدمات ہیں
اختتام پر گارڈن مسجد امان میاں محمد اسماعیل نے ڈاکٹر ملک سردار خان سمیت عالم اسلام کے لیے خصوصی دعاکی اور کہا کہ اللہ تعالی امت مسلمہ کو حضور ﷺ کی تعلمات پر زندگی
گذارنے اور اس پر عمل کرنے کی توفیق دے
