کوئٹہ،( خبردار نیوز ) حکومت بلوچستان نے زہری واقعہ کی تحقیقات کا حکم دے دیا ،
محکمہ داخلہ بلوچستان کی جانب سے کہا گیا ہے کہ واقعہ کی تمام پہلوؤں سے جانچ کے لیے شفاف اور غیرجانبدارانہ تحقیقات کی ہدایت کردی گئی ہے تاکہ ذمہ داران کے خلاف سخت
کارروائی کی جاسکے
محکمہ داخلہ نے نوٹس میں کہا ہے کہ عوام کے تحفظ اور ریاستی رٹ کی بحالی اولین ترجیح ہےاس کے علاوہ مقامی انتظامیہ کی جانب سے زہری واقعہ پر فوری ردعمل نہ دینے پر محکمہ
داخلہ کا نوٹس جاری کردیا گیا
ترجمان حکومت بلوچستان کے مطابق قانون نافذ کرنے والے ادارے صورتحال کی مکمل نگرانی کر رہے ہیں ساتھ ہی تمام اضلاع میں امن و امان برقرار رکھنے کے لیے اقدامات مزید سخت
کیے جا رہے ہیں،
محکمہ داخلہ بلوچستان کے مطابق تحقیقات مکمل ہونے تک روزانہ پیش رفت کا متواتر جائزہ لیا جائے گا، جس کے لیے کسی بھی قسم کی کوتاہی برداشت نہیں کی جائے گی،
محکمہ داخلہ نے کہا ہے کہ پورےصوبے میں ریاست کی رٹ قائم ہے ، کوئی کسی غلط فہمی میں نہ رہے تاہم کمی کوتاہیوں کا تدارک کرکے سول انتظامیہ مشینری کو متحرک کیا جائے گا،
