قرض کی عدم ادائیگی کی صورت میں دبئی میں پاکستانی سیاستدانوں کی جائیدادیں ضبط کی جائیں گی۔ یو اے ای

(روزنامہ خبردار کوئٹہ) سابق چیئرمین پاکستان کرکٹ بورڈ نجم سیٹھی کے مطابق پاکستان کو اس ماہ متحدہ عرب امارات کو دو ارب ڈالر واپس کرنے ہیں، اور اس بار کسی قسم کی مہلت یا نئی ڈیل کی گنجائش نہیں دی گئی۔ یہاں تک کہا گیا کہ اگر مقررہ وقت پر ادائیگی نہ ہوئی تو دبئی میں موجود پاکستانی سیاستدانوں کی جائیدادیں ضبط کی جا سکتی ہیں۔

تجزیہ کاروں کا کہنا ہے کہ حکومت کی جانب سے پیٹرول کی قیمتوں میں راتوں رات بڑا اضافہ اسی ادائیگی سے جڑا ہوا ہے۔ ان کے مطابق عالمی مارکیٹ میں تیل کی قیمتوں میں کوئی نمایاں اضافہ نہیں ہوا، اور تمام ٹیکسز و اخراجات سمیت پیٹرول کی لاگت تقریباً 270 روپے فی لیٹر بنتی ہے۔ تاہم اصل سوال یہ ہے کہ وہ دو ارب ڈالر کہاں خرچ ہوئے، جس کا بوجھ اب عام شہری کو برداشت کرنا پڑ رہا ہے۔