کوئٹہ (نیوز رپورٹر) صوبائی دارالحکومت کوئٹہ کے علاقے گوالمنڈی میں نامعلوم مسلح افراد نے پولیس تھانے کو دستی بم حملے کا نشانہ بنایا ہے۔
پولیس ذرائع کے مطابق حملہ آوروں نے گوالمنڈی تھانے کی عمارت پر دستی بم پھینکا جو زور دار دھماکے سے پھٹ گیا۔ واقعے کے نتیجے میں وہاں تعینات ایک پولیس اہلکار زخمی ہو گیا
ہے۔
دھماکے کے فوری بعد پولیس اور قانون نافذ کرنے والے اداروں کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کر دیا گیا ہے۔
زخمی اہلکار کو فوری طبی امداد کے لیے قریبی ہسپتال منتقل کر دیا گیا ہے جہاں ڈاکٹروں کے مطابق اس کی حالت خطرے سے باہر بتائی جاتی ہے۔
پولیس حکام کا کہنا ہے کہ واقعے کی تحقیقات شروع کر دی گئی ہیں اور ملوث عناصر کو جلد گرفتار کر لیا جائے گا۔
یاد ر ہے کہ اس سے قبل بھی کوئٹہ اور بلوچستان کے دیگر علاقوں میں وقتافوقتا پولیس تھانوں پر اس طر ح کے حملے ہوئے ہیں جس میں زیادہ تر کی زمہ داری بلوچ مسلح تنطیموں نے قبول
کی ہے
