کوئٹہ (خبردار نیوز) بلوچستان کے گوادر پورٹ پر تجارتی سرگرمیوں میں تیزی آ گئی ہے، جہاں دو کارگو جہاز لنگر انداز ہو کر سامان کی ترسیل میں مصروف ہیں۔
چیئرمین گوادر پورٹ نورالحق بلوچ کے مطابق مختلف اقسام کے کارگو کی آمد سے بندرگاہ کی اہمیت اور اقتصادی سرگرمیوں میں نمایاں اضافہ ہو رہا ہے۔
گوادر بندرگاہ پر پہلا جہاز ایم وی ہوم لیڈر 368.7 ٹن ٹرانس شپمنٹ کارگو لے کر پہنچا، جس میں مشینری اور جنرل سامان شامل ہے۔
دوسری جانب ایم وی ڈولفن 103 پانچ ہزار میٹرک ٹن ایم او پی کھاد لے کر بندرگاہ پر لنگر انداز ہوا، جو صنعتی اور زرعی ضروریات کو پورا کرے گا۔
ترجمان گوادر پورٹ اتھارٹی کے مطابق دونوں جہازوں سے سامان کی بروقت کلیئرنس اور ہینڈلنگ کے لیے مکمل انتظامات کیے گئے ہیں۔
چیئرمین گوادر پورٹ نورالحق بلوچ کا کہنا ہے کہ اس نوعیت کی سرگرمیاں گوادر پورٹ کی آپریشنل صلاحیت، استعداد اور علاقائی تجارتی اہمیت کو مزید بڑھا رہی ہی
