کوئٹہ ( خبردار نیوز ) وزیر اعلیٰ بلوچستان میر سرفراز بگٹی نے کہا ہے کہ محنت کش کسی بھی معاشرے کی ترقی اور خوشحالی کی بنیاد ہوتے ہیں، کیونکہ یومِ مزدور ہمیں محنت، دیانت اور
عزم کی قدر و منزلت کا احساس دلاتا ہے،
یہ بات انہوں نے مزدوروں کے عالمی دن کے موقع پر اپنے پیغام میں کہی ہے
میر سرفراز بگٹی نے کہا کہ بلوچستان حکومت مزدوروں کے حقوق کے تحفظ اور فلاح کے لیے عملی اقدامات کر رہی ہے، اور صوبے کے محنت کشوں کو بہتر روزگار، محفوظ ماحول اور
سہولیات کی فراہمی اولین ترجیح ہے،
انکے مطابق بلوچستان میں پہلی بار مزدوروں کے بچوں کو ملک کے معیاری تعلیمی اداروں میں داخلے دلائے گئے، وجس سے مزدور کا بچہ مزدور نہیں بلکہ ترقی کا ہر موقع پائے گا،
وزیر اعلیٰ بلوچستان نے کہا کہ ہمیں مزدوروں کے معیارِ زندگی کو بلند کرنے کے لیے اجتماعی کوششیں کرنا ہوں گی، یومِ مئی ہمیں استحصال کے خاتمے اور انصاف پر مبنی معاشرے کی
جدوجہد کا پیغام دیتا ہے،
