کوئٹہ میں 7ویں محرم الحرام کا جلوس: سیکیورٹی کے انتہائی سخت انتظامات، موبائل سروس معطل

کوئٹہ (بیورو رپورٹ)کوئٹہ میں 7ویں محرم الحرام کے موقع پر امن و امان کی صورتحال کو برقرار رکھنے کے لیے سیکیورٹی کے انتہائی سخت انتظامات کیے گئے ہیں۔ پولیس ذرائع کے مطابق شہر میں سیکیورٹی خدشات کے پیشِ نظر آج صبح سے موبائل فون اور انٹرنیٹ سروسز کو عارضی طور پر معطل کر دیا گیا ہے۔
​7ویں محرم الحرام کا مرکزی جلوس روایتی عقیدت و احترام کے ساتھ امام بارگاہ ناصر العزاء سے برآمد ہوا،
جو اپنے روایتی اور مقررہ راستوں سے ہوتا ہوا واپس اسی امام بارگاہ پر پہنچ کر اختتام پذیر ہوگا۔
​انتظامیہ کی جانب سے جلوس کی سیکیورٹی کو یقینی بنانے اور کسی بھی ناخوشگوار واقعے سے نمٹنے کے لیے جلوس کے روٹ کی طرف آنے والے تمام راستوں اور شاہراہوں کو عام شہریوں کی آمد و رفت کے لیے بند کر دیا گیا ہے،
جبکہ جلوس کے راستے میں شامل تمام داخلی راستوں کو کنٹینرز لگا کر مکمل طور پر سیل کر دیا گیا ہے
تاکہ جلوس پُرآمن طریقے سے اپنی منزل مقصود تک پہنچ سکے۔