ذرائع کے مطابق خضدار کے علاقے شہزاد سٹی میں قبائلی رہنما شفیق مینگل کی رہائش گاہ پر مسلح افراد نے حملہ کیا ہے۔
ابتدائی اطلاعات کے مطابق حملے کے دوران ایک زور دار دھماکے سے مرکزی گیٹ کو نقصان پہنچا، جبکہ علاقے میں فائرنگ کے تبادلے کی بھی اطلاعات موصول ہوئی ہیں۔
ذرائع کا کہنا ہے کہ واقعے میں چار افراد کے جاں بحق ہونے کی غیر مصدقہ اطلاعات ہیں، جبکہ شفیق مینگل محفوظ رہے۔ مزید یہ بھی بتایا جا رہا ہے کہ ان کا ایک قریبی رشتہ دار زخمی ہوا ہے۔
تاحال واقعے کے حوالے سے ضلعی انتظامیہ یا قانون نافذ کرنے والے اداروں کی جانب سے کوئی باضابطہ بیان جاری نہیں کیا گیا، لہٰذا ہلاکتوں اور دیگر تفصیلات کی سرکاری تصدیق کا انتظار ہے۔
Leave a Reply