کوئٹہ ( خبردارنیوز ) حکومت بلوچستان نے کوئٹہ کے تمام سرکاری اور نجی اسکولوں میں ہر قسم کی سیاسی سرگرمیوں پر پابندی عائد کردی
ڈائریکٹر ایجوکیشن کی جانب سے 16 جنوری کو جاری ہونے والے ایک اعلامیہ کے مطابق کوئٹہ کے تمام سرکاری اور نجی سکولوں میں سیاسی سرگرمیوں پر پابندی عائد کردی گئی
محکمہ تعلیم کی جانب سے سیاسی سرگرمیوں پر پابندی کا سرکلر ڈسٹرکٹ ایجوکیشن آفیسر نے جاری کردیا ہے
اعلامیہ کے مطابق اسکولوں میں سیاسی اجتماعات اور سرگرمیوں پر پابندی بلوچستان ہائی کورٹ کی حکم پر عائد کی گئی ہے
ا س سلسلے میں کوئٹہ کے تمام تمام سرکاری اور نجی سکولوں کی سربراہان کو ہدایت نامہ جاری کردیاگیا ہے
جس کے تحت کسی بھی طالبعلم کو اسکول کے اندر یا باہر کسی بھی سیاسی سرگرمی میں حصہ لینے کی اجازت نہیں ہوگی
نوٹفیکیشن کے مطابق اسکول میں کسی بھی سیاسی اجتماع یا سرگرمی کی اجازت نہیں ہوگی
اعلامیہ میں تمام سکول کی سربراہان کو تعلیمی اداروں کے تقدس اور بنیادی مقصد کو برقرار رکھنے کے لیے اس ہدایت سے سختی سے عمل کریں
تاہم خلاف ورزی کرنیوالوں کیخلاف بیڈا ایکٹ کے تحت تادیبی کارروائی کی جائیگی
