کوئٹہ ( خبردارنیوز ) بلوچستان کے علاقے سنجاوی میں زمینداروں نے سیب ِ چیری او خوبانی کے باغات کو ژالہ باری سے بچانے کے لیے اپنی مددآپ اقدامات شروع کردیے
سنجاوی کے علاقے وانی، چویتر اور دیگر نواحی علاقوں میں زمینداروں نے نئے زرعی سیزن کے آغاز پر پھلدار درختوں، خصوصاً سیب، چیری، خوبانی اور دیگر درختوں کو موسمی
خطرات سے محفوظ بنانے کے لیے حفاظتی جالیاں لگانے کا عمل تیز کر دیا ہے۔
حالیہ برسوں میں ژالہ باری اور تیز طوفانی ہواؤں کے باعث ان باغات کو شدید نقصان پہنچ چکا ہے جس کے پیشِ نظر کاشتکار اب جدید طریقہ اپناتے ہوئے درختوں کو جالیوں سے ڈھانپ رہے
ہیں۔
یہ حفاظتی جالیاں ژالہ باری کی شدت کو کم کرتی ہیں اور تیز ہواؤں کے دوران پھلوں کے گرنے اور شاخوں کے ٹوٹنے سے بچاؤ فراہم کرتی ہیں۔
زمینداروں کے مطابق اس اقدام سے نہ صرف فصل کا تحفظ ممکن ہو رہا ہے بلکہ پیداوار کے معیار اور مقدار میں بھی بہتری متوقع ہے، جس سے مقامی معیشت پر مثبت اثرات مرتب ہوں گے
