وزیراعلیٰ بلوچستان؛ نیشنل یوتھ سمٹ کی اختتامی تقریب میں شرکت

گوادر (بیورو رپورٹ) وزیراعلیٰ بلوچستان میر سرفراز احمد بگٹی ایک روزہ دورے پر بلوچستان کے ساحلی شہر گوادر پہنچ گئے ہیں۔ ان کے ہمراہ صوبائی کابینہ کے سینئر وزراء اور اعلیٰ

حکام کا وفد بھی موجود ہے۔

گوادر پہنچنے پر وزیراعلیٰ بلوچستان کا پرتپاک استقبال کیا گیا، جہاں مقامی بچوں نے انہیں گلدستے پیش کیے۔ دورے کا بنیادی مقصد شہر میں جاری تین روزہ نیشنل یوتھ سمٹ کی اختتامی

تقریب میں شرکت کرنا ہے۔

وزیراعلیٰ کو سمٹ کے مقام پر گزشتہ دو روز سے جاری مختلف تعلیمی، ثقافتی اور تربیتی سرگرمیوں کے بارے میں تفصیلی بریفنگ دی گئی۔

نیشنل یوتھ سمٹ کی اختتامی تقریب سے خطاب کرتے ہوئے وزیراعلیٰ بلوچستان نوجوانوں کی حوصلہ افزائی کریں گے اور ان میں انعامات تقسیم کریں گے۔

صوبائی حکومت کے ذرائع کا کہنا ہے کہ اس سمٹ کا مقصد ملک بھر کے نوجوانوں کو ایک پلیٹ فارم پر اکٹھا کر کے انہیں بلوچستان کی ترقی اور قومی دھارے میں شامل کرنا ہے۔