کوئٹہ (نمائندہ خصوصی): یونیورسٹی آف گوادر کے دو اعلیٰ ترین عہدیدار، وائس چانسلر ڈاکٹر عبدالرزاق صابر اور پرو وائس چانسلر ڈاکٹر سید منظور احمد، گزشتہ روز سے لاپتہ ہیں۔
ابتدائی اطلاعات کے مطابق دونوں افسران سرکاری گاڑی میں گوادر سے کوئٹہ کے لیے روانہ ہوئے تھے تاہم مستونگ کے قریب پہنچ کر ان کا رابطہ منقطع ہو گیا۔
ڈپٹی کمشنر مستونگ، بہرام سلیم نے واقعے کی تصدیق کرتے ہوئے بتایا کہ انتظامیہ دونوں افسران کے اہلخانہ کے ساتھ مسلسل رابطے میں ہے اور ان کی تلاش کے لیے تمام ممکنہ اقدامات
کیے جا رہے ہیں۔
انہوں نے مزید کہا کہ مستونگ کے آس پاس پہنچنے کے بعد افسران کا موبائل رابطہ ختم ہو گیا تھا، جس کے بعد ان کی لوکیشن اور موجودگی کا پتہ لگایا جا رہا ہے۔
دوسی جانب گوادر یونیورسٹی کے ذرائع نے خدشہ ظاہر کیا ہے کہ دونوں افسران کو سرکاری گاڑی سمیت مستونگ کی حدود سے اغوا کر لیا گیا ہے۔
پولیس اور لیویز کی ٹیمیں جائے وقوعہ کے اطراف اور شاہراہ پر لگے سی سی ٹی وی کیمروں کی مدد سے تحقیقات کا آغاز کر چکی ہیں تاکہ جلد از جلد ان کا سراغ لگایا جا سکے۔
Leave a Reply