لندن (اسپورٹس ڈیسک) انگلش پریمیئر لیگ کلب لیورپول اور پرتگال کی قومی ٹیم کے معروف فٹبالر دیوگو جوٹا ایک افسوسناک کار حادثے میں جاں بحق ہو گئے۔
حادثہ اسپین کے صوبے زامورا میں پیش آیا، جس میں ان کے چھوٹے بھائی آندرے جوٹا بھی ہلاک ہو گئے۔
پرتگالی میڈیا اور بین الاقوامی خبر رساں اداروں کے مطابق، حادثہ 3 جولائی کو علی الصبح پیش آیا جب جوٹا برانڈ کی لیمبورگینی کار میں اپنے بھائی کے ساتھ سفر
کر رہے تھے۔
گاڑی مبینہ طور پر تیز رفتاری کے دوران اوورٹیک کرتے ہوئے A-52 ہائی وے پر ٹائر پھٹنے کے بعد بے قابو ہو کر سڑک سے جا ٹکرائی اور آگ لگنے سے
مکمل طور پر جل گئی۔
ریسکیو ٹیمیں فوری طور پر موقع پر پہنچیں، تاہم دونوں بھائیوں کو موقع پر ہی مردہ قرار دے دیا گیا۔
دیوگو جوٹا کی فٹبال کیریئر پر ایک نظر:
عمر: 28 سال
2020 میں ولورہیمپٹن سے لیورپول منتقل ہوئے تھے، ٹرانسفر فیس تقریباً 45 ملین یورو تھی
لیورپول کے لیے 182 میچز میں 65 گول اسکور کیے
پرتگال کی قومی ٹیم کی طرف سے 50 سے زائد میچز کھیلے
ذاتی زندگی:
دیوگو جوٹا نے صرف دو ہفتے قبل 22 جون 2025 کو اپنی دیرینہ ساتھی روٹے کارڈوسو سے شادی کی تھی
عالمی سطح پر غم و افسوس
دیوگو جوٹا کی موت پر دنیا بھر سے شدید دکھ کا اظہار کیا گیا ہے۔ لیورپول ایف سی، پرتگالی فٹبال فیڈریشن، یورپی فٹبال تنظیم UEFA سمیت کئی معروف کھلاڑیوں
جیسے گیری نیویل، جیمی کیراگر اور ایکر کیسیاس نے سوشل میڈیا پر خراج عقیدت پیش کیا۔
یورپی فٹبال مقابلوں میں ان کی یاد میں خاموشی اختیار کرنے کا اعلان بھی کیا گیا ہے۔
یہ واقعہ فٹبال کی دنیا کے لیے ایک بڑا نقصان ہے، اور دیوگو جوٹا کو ہمیشہ ان کی کارکردگی، لگن اور عاجزی کی بدولت یاد رکھا جائے گا۔
