اسپین میں شدید جنگلاتی آگ، 18 ہزار سے زائد افراد کو خطرہ

بارسلونا (نیوز ڈیسک) اسپین کے شمال مشرقی علاقے کاتالونیا میں شدید جنگلاتی آگ بے قابو ہو گئی، جس کے باعث 18 ہزار سے زائد افراد کو گھروں میں رہنے

کی ہدایت جاری کی گئی ہے۔

حکام کے مطابق آگ اب تک تقریباً 3,000 ہیکٹر رقبے کو راکھ کا ڈھیر بنا چکی ہے، جبکہ آگ کی شدت کے پیشِ نظر کئی افراد کو محفوظ مقامات پر منتقل کر دیا

گیا ہے۔

فائرفائٹرز، ہوائی جہاز اور فوجی ایمرجنسی یونٹ کے تعاون سے آگ بجھانے کی کوششیں جاری ہیں، تاہم تیز ہواؤں اور خشک موسم کے باعث کارروائیوں میں

مشکلات پیش آ رہی ہیں۔

متعلقہ حکام نے آگ کو Ebro ندی عبور کرنے سے روکنے میں کامیابی حاصل کی ہے، جس سے بڑے پیمانے پر پھیلاؤ کا خطرہ وقتی طور پر ٹل گیا ہے۔

اسپین میں گزشتہ ہفتوں سے جاری شدید گرمی کی لہر نے جنگلاتی آگ کے خطرات میں اضافہ کر دیا ہے۔

موسمی ماہرین کے مطابق یورپ بھر میں گرمی کے ریکارڈ ٹوٹ رہے ہیں،

جس کی وجہ سے مختلف علاقوں میں آگ لگنے کے واقعات بڑھتے جا رہے ہیں۔

رپورٹس کے مطابق، اسی علاقے میں یکم جولائی کو دو افراد آگ کی لپیٹ میں آ کر ہلاک ہو چکے ہیں، جبکہ متعدد زخمیوں کو قریبی اسپتالوں میں منتقل کیا گیا ہے۔

حکام نے شہریوں سے اپیل کی ہے کہ وہ ہدایات پر عمل کریں اور متاثرہ علاقوں سے دور رہیں۔ آگ کی وجوہات جاننے کے لیے تحقیقات کا آغاز کر دیا گیا ہے۔