نیویارک (نیوز ڈیسک) اقوام متحدہ کے سیکرٹری جنرل انتونیو گتریس نے امریکہ کی جانب سے جنگ بندی میں توسیع کے فیصلے کا پرجوش خیرمقدم کرتے ہوئے اسے خطے میں کشیدگی
کی کمی کی جانب ایک اہم سنگ میل قرار دیا ہے۔
سیکرٹری جنرل نے مزید بات چیت اور تنازع کے حل کے لیے پاکستان کی مسلسل سفارتی کوششوں کی مکمل حمایت کا اعلان کیا ہے۔ انتونیو گتریس نے امید ظاہر کی کہ پاکستان کی ان
مخلصانہ کاوشوں سے ایک جامع اور پائیدار حل کے لیے سازگار ماحول تشکیل پائے گا۔
یواین سیکرٹری جنرل نے اپنے بیان میں کہا کہ جنگ بندی میں توسیع سے سفارت کاری کو فروغ ملے گا اور فریقین کے درمیان اعتماد سازی کے عمل کو تقویت ملے گی۔
انہوں نے تمام متعلقہ فریقین پر زور دیا کہ وہ ایسے کسی بھی اقدام سے گریز کریں جس سے جنگ بندی کو خطرہ لاحق ہو سکے۔ انتونیو گتریس نے فریقین کو مشورہ دیا کہ وہ پائیدار تصفیے
اور خطے میں امن کے قیام کے لیے تعمیری مذاکرات کی راہ اپنائیں۔
واضح رہے کہ پاکستان کی ثالثی اور کامیاب سفارت کاری کے نتیجے میں امریکہ اور ایران کے درمیان ہونے والی حالیہ پیش رفت کو عالمی سطح پر سراہا جا رہا ہے، جس کا مقصد خطے کو
ایک بڑے عسکری تصادم سے بچانا ہے۔
Leave a Reply