کوئٹہ: لکپاس کسٹم ویئر ہاؤس میں لگی آگ پر 80 فیصد قابو پا لیا گیا، 37 افراد زخمی

کوئٹہ (نمائندہ خصوصی): لکپاس کے علاقے میں واقع کسٹم ویئر ہاؤس میں لگی ہولناک آگ پر ریسکیو ٹیموں نے طویل جدوجہد کے بعد 80 فیصد قابو پا لیا ہے۔

ریسکیو حکام کے مطابق آگ گزشتہ روز صبح 11 بجے لگی تھی جس نے دیکھتے ہی دیکھتے ویئر ہاؤس کے بڑے حصے کو اپنی لپیٹ میں لے لیا۔

اس افسوسناک واقعے میں اب تک 37 افراد کے جھلس کر زخمی ہونے کی تصدیق ہوئی ہے۔ ریسکیو ذرائع کا کہنا ہے کہ تمام زخمیوں کو فوری طور پر مستونگ اور کوئٹہ کے اسپتالوں میں

منتقل کیا گیا ہے، جہاں انہیں برنٹ یونٹس میں طبی امداد دی جا رہی ہے۔

آگ بجھانے کے آپریشن میں فائر بریگیڈ اور پی ڈی ایم اے (PDMA) کی متعدد گاڑیاں اور ریسکیو اہلکار حصہ لے رہے ہیں۔ حکام کا کہنا ہے کہ باقی ماندہ آگ پر قابو پانے کے لیے کوششیں

تیزی سے جاری ہیں۔