بنوں میں دھماکہ، 7 افراد جاں بحق

بنوں (خبردار نیوز)خیبر پختونخوا کے ضلع بنوں میں ہونے والے ایک دھماکے کے نتیجے میں کم از کم 7 افراد جاں بحق جبکہ متعدد افراد زخمی ہو گئے۔
ریسکیو اور پولیس حکام کے مطابق دھماکے کے فوراً بعد امدادی ٹیمیں جائے وقوعہ پر پہنچ گئیں اور زخمیوں کو قریبی اسپتال منتقل کیا گیا۔
دوسری جانب سیکیورٹی فورسز نے علاقے کو گھیرے میں لے کر شواہد اکٹھے کرنا شروع کر دیے ہیں۔
حکام کا کہنا ہے کہ دھماکے کی نوعیت اور وجوہات کا تعین کرنے کے لیے تحقیقات جاری ہیں۔
زخمیوں میں بعض کی حالت تشویشناک بتائی جا رہی ہے جس کے باعث ہلاکتوں میں اضافے کا خدشہ ظاہر کیا جا رہا ہے۔
واقعے کے بعد علاقے میں سیکیورٹی مزید سخت کر دی گئی ہے جبکہ قانون نافذ کرنے والے ادارے مختلف پہلوؤں سے تحقیقات کر رہے ہیں۔