پشاور (نیوز ڈیسک)
خیبر پختونخوا میں پیش آنے والے دہشت گردی کے ایک افسوسناک واقعے میں متعدد افراد شہید اور کئی زخمی ہو گئے۔
ذرائع کے مطابق زخمیوں میں سے بعض کی حالت انتہائی تشویشناک ہے،
جس کے باعث شہداء کی تعداد میں مزید اضافے کا خدشہ ظاہر کیا جا رہا ہے۔
واقعے کی اطلاع ملتے ہی سیکیورٹی فورسز کی بھاری نفری موقع پر پہنچ گئی اور علاقے کو تمام اطراف سے گھیرے میں لے کر جامع سرچ آپریشن کا آغاز کر دیا گیا ہے۔
فورسز کی جانب سے علاقے کے تمام داخلی و خارجی راستوں کی ناکہ بندی کر کے شواہد اکٹھے کیے جا رہے ہیں۔
دوسری جانب اس واقعے کے بعد مقامی آبادی میں شدید اشتعال اور تشویش کی لہر دوڑ گئی ہے۔
ذرائع کے مطابق صوبائی حکومت کی جانب سے دہشت گردی کے واقعات سے مبینہ لا تعلقی اور بے حسی پر مقامی لوگوں میں شدید غصہ اور بے چینی پائی جاتی ہے،
جبکہ عوام نے حکومت سے امن و امان کی صورتحال بہتر بنانے اور ذمہ داروں کے خلاف فوری و سخت کارروائی کا مطالبہ کیا ہے۔
