اسلام آباد ( خبردار نیوز ) افغان حکومت نے ٹی ٹی پی کو بسانے کے 10 ارب مانگے تھے،
وزیر دفاع خواجہ آصف نے یہ انکشاف کیا ہے کہ افغان حکومت نے کالعدم ٹی ٹی پی کو افغانستان میں بسانے کے لیے 10ا رب روپے مانگے تھے۔
خواجہ آصف نے کہا کہ پی ڈی ایم حکومت بننے کے بعد میں افغانستان گیا تھا، افغان طالبان کے وزیر دفاع اور دیگر قیادت سے ملاقات ہوئی تھی
اسٹیبلشمنٹ سے ہر پارٹی کا اختلاف رہا لیکن کسی نے ایسا رویہ نہیں اپنایا،
انہوں نے کہا کہ میں نے ان کو کہا تھا کہ دہشت گردوں کو نہ روکا گیا تو ہم مجبور ہوجائیں گے پھر گلہ نہ کریں۔
وزیر دفاع نے مزید کہا کہ جس وقت میں افغانستان گیا تھا اس دوران کالعدم تنظیم کا کوئی سیزفائر نہیں تھا، افغان حکومت نے ٹی ٹی پی کو افغانستان میں بسانے
کےلیے 10 ارب روپے مانگے تھے۔
اُن کا کہنا تھا کہ میں نے ان سے کہا کہ آپ گارنٹی دیں کہ ٹی ٹی پی واپس نہیں آئے گی اس پر وہ خاموش ہوگئے۔
خواجہ محمد آصف نے یہ بھی کہا کہ پاکستان کے دفاع کو اندرونی خطرات ہیں ہم باہر کے خطرات کا مقابلہ کرسکتے ہیں اسکے لیے ہم پوری طرح تیار ہیں۔
انہوں نے کہا کہ ہمیں نقصان پہنچانے کےلیے کوئی فریق ملک کو نقصان نہ پہنچائے، دہشتگردی کی بڑی وجہ وہ لوگ جو لاکر بسائے گئے تھے۔
وزیر دفاع نے کہا کہ میں اسمبلی میں تھا جب بریفنگ دی گئی کہ ان کو بسانے کا فیصلہ بہتر ہے ،بانی پی ٹی آئی کا بیان تھا کہ 40 ہزار سے 45 ہزار لوگ آئیں
گے، اب یہ لوگ خیبر پختونخوا میں بیٹھے ہوئے ہیں، لوگوں کی جانیں جارہی ہیں۔
