کوئٹہ ( خبردارنیوز ) بلوچستا ن الیکشن ٹریبوتل ون نے بی این پی (عوامی) کے میر اسد اللہ بلوچ کے خلاف الیکشن پیٹیشن عدم ثبوت کی بنیاد پرخارج کر دی۔
بلوچستان ہائی کورٹ کے جسٹس عبد اللہ بلوچ پر مشتمل الیکشن ٹریبونل نے نیشنل پارٹی کے رہنما حاجی محمد اسلام کی جانب سےبی این پی (عوامی) کے صدر میر اسد اللہ بلوچ کے خلاف
الیکشن پیٹیشن عدم ثبوت کی بنیاد پر خارج کر دی۔
یہ پٹیشن حلقہ پی بی 29 پنجگور سے بی این پی (عوامی) کے صدر میر اسد اللہ بلوچ کی کامیابی کے خلاف نیشنل پارٹی کے حاجی اسلام بلوچ کی جانب سے دائر کی گئی تھی ۔
حاجی اسلام بلوچ کی جانب سے نادر چھلگری، شبیر احمد شیرانی اور بلال محسن ایڈووکیٹ جبکہ میر اسد اللہ بلوچ کی جانب سے بلوچ خان اور جلیل بلوچ ایڈووکیٹ نے کیس کی پیروی کی۔
دونوں فریقین کی جانب سے گواہان اور ان کے حلف نامہ پیش کیئے گئے۔
پٹیشنر کی طرف سے الیکشن ایکٹ میں واضح کردہ کوئی معیاری شہادت پیش نہیں کی گئی، جس سے غیرقانونی اور کرپٹ پریکٹس کے الزامات ثابت ہو سکیں جس کی بنیاد پر الیکشن کو
کالعدم قرار دیا جاسکے۔
الیکشن ٹریبونل نے تمام گواہان کے بیانات کو جانچنے اور وکلا کے دلائل سننے کے بعد مذکورہ پٹیشن عدم ثبوت کی بنیاد پر خارج کر دی۔
