امریکہ اسرائیل کی ایران پر بمباری؛ 34 افراد جاں بحق

تہران/دبئی (نیوز ڈیسک) عرب میڈیا کی رپورٹس کے مطابق امریکہ اور اسرائیل نے ایران کے مختلف شہروں پر تازہ بمباری کی ہے، جس کے نتیجے میں اب تک 34 افراد کی ہلاکتوں کی تصدیق ہو چکی ہے۔
عرب میڈیا کے مطابق دارالحکومت تہران میں ہونے والے حملے سب سے زیادہ مہلک ثابت ہوئے جہاں 23 افراد جان بحق ہوئے۔
افسوسناک امر یہ ہے کہ جان بحق افراد میں 6 معصوم بچے بھی شامل ہیں۔ حملوں میں متعدد عمارتوں کو نقصان پہنچا ہے۔
ایک اور رپورٹ کے مطابق ایران کے مقدس شہر قم کے ایک رہائشی علاقے کو بھی نشانہ بنایا گیا جہاں بمباری کے نتیجے میں 5 افراد جان بحق ہوئے۔ اس کے علاوہ ساحلی علاقے بندر لنگہ میں بھی کارروائی کی گئی، جہاں فضائی حملے میں 6 افراد کی جان چلی گئی۔
عرب ذرائع ابلاغ کا کہنا ہے کہ ان حملوں کے بعد ایران میں صورتحال انتہائی کشیدہ ہو گئی ہے اور امدادی ٹیمیں ملبے تلے دبے افراد کو نکالنے کی کوششوں میں مصروف ہیں۔
تاحال ایران کے سرکاری ذرائع یا تہران انتظامیہ کی جانب سے ان ہلاکتوں کے اعداد و شمار پر باقاعدہ ردعمل سامنے نہیں آیا۔