تہران: شریف یونیورسٹی پر بمباری؛ گیس اسٹیشن اور مسجد کو نقصان

تہران (نیوز ڈیسک) ایرانی میڈیا کی رپورٹ کے مطابق امریکہ اور اسرائیل کی جانب سے تہران پر کیے گئے فضائی حملوں میں تعلیمی اداروں کے قریبی علاقوں کو بھی نشانہ بنایا گیا ہے۔

رپورٹ میں بتایا گیا ہے کہ تہران کی معروف “شریف یونیورسٹی آف ٹیکنالوجی” کے قریب ہونے والے دھماکوں کے نتیجے میں یونیورسٹی کے گیس اسٹیشن کو شدید نقصان پہنچا ہے۔

اس حملے کے باعث متعلقہ علاقے میں گیس کی سپلائی لائنیں متاثر ہوئی ہیں اور شہریوں کو گیس کی فراہمی معطل ہو گئی ہے۔

میڈیا رپورٹس کے مطابق حملے کی شدت سے یونیورسٹی کے اندر واقع مسجد کو بھی نقصان پہنچا ہے۔ دھماکوں کے نتیجے میں مسجد کے شیشے ٹوٹ گئے جبکہ عمارت کی چھتوں کو بھی

نقصان پہنچا ہے۔

واضح رہے کہ اس سے قبل تہران، قم اور بندر لنگہ میں ہونے والے حملوں میں بچوں سمیت 34 افراد کی شہادت کی خبریں سامنے آ چکی ہیں۔ تازہ حملوں میں تعلیمی اداروں اور شہری

سہولیات کو نشانہ بنائے جانے پر شدید تشویش کا اظہار کیا جا رہا ہے۔