جعفر ایکسپریس معطل، مسافروں کو مشکلات کا سامنا

کوئٹہ (نیوز ڈیسک)ریلوے انتظامیہ نے ٹریک کی ضروری مرمت اور دیکھ بھال کے پیشِ نظر بلوچستان میں جعفر ایکسپریس کی سروس ایک روز کے لیے معطل کر دی ہے، جس کی وجہ

سے سینکڑوں مسافر ریلوے اسٹیشنوں پر پھنس کر رہ گئے ہیں۔

ریلوے حکام کے مطابق کوئٹہ سے پشاور جانے والی جعفر ایکسپریس آج اپنے مقررہ وقت پر روانہ نہیں ہو سکی۔ اسی طرح، دیگر شہروں سے کوئٹہ آنے والی جعفر ایکسپریس کو بھی جیکب

آباد کے مقام پر روک دیا گیا ہے۔

انتظامیہ کا کہنا ہے کہ ٹرینوں کی آمد و رفت کی معطلی کا فیصلہ ریلوے ٹریک کی مرمت کے باعث کیا گیا ہے تاکہ سفر کو محفوظ بنایا جا سکے۔

ٹرین سروس کی اچانک معطلی کے باعث کوئٹہ اور جیکب آباد ریلوے اسٹیشنوں پر مسافروں کو شدید پریشانی کا سامنا کرنا پڑ رہا ہے۔

ریلوے انتظامیہ نے مسافروں کو صبر و تحمل کی اپیل کرتے ہوئے کہا ہے کہ مرمتی کام مکمل ہوتے ہی جعفر ایکسپریس کی سروس بحال کر دی جائے گی۔