کوئٹہ میں آج گیس کا بڑا بریک ڈاؤن

کوئٹہ (نیوز رپورٹر) سوئی سدرن گیس کمپنی (SSGC) نے کوئٹہ کے مختلف علاقوں میں گیس کی فراہمی کی عارضی معطلی کا اعلامیہ جاری کر دیا ہے۔

کمپنی کے مطابق یہ فیصلہ گیس پائپ لائنز کے ضروری مرمتی کام کو مکمل کرنے کے لیے کیا گیا ہے۔

اوقاتِ کار اور متاثرہ علاقے:

ایس ایس جی سی کے مطابق گیس کی سپلائی صبح 10:00 بجے سے شام 05:00 بجے تک بند رہے گی۔ اس دوران درج ذیل علاقے اور ان کے گرد و نواح براہِ راست متاثر ہوں گے:

خزاں اور حاجی کیمپ،خروٹ آباد اور بکرا منڈی؛لنک بادینی روڈ اور بھوسا منڈی؛مل کالونی اور ملحقہ آبادیاں شامل ہیں –

انتظامیہ کی ہدایت:

سوئی سدرن گیس کمپنی نے صارفین کو مشورہ دیا ہے کہ وہ سات گھنٹے کے اس طویل تعطل کے دوران پریشانی سے بچنے کے لیے کھانا پکانے اور دیگر ضروریات کے لیے متبادل ایندھن کا قبل از وقت انتظام کر لیں۔

حکام کا کہنا ہے کہ مرمتی کام مکمل ہوتے ہی شام پانچ بجے کے بعد گیس کی فراہمی بحال کر دی جائے گی۔