بیروت / یروشلم ( خبر دار ڈیسک ) مشرقِ وسطیٰ میں جاری کشیدگی کے دوران اسرائیلی جنگی طیاروں نے جنوبی لبنان کے مختلف علاقوں پر ایک بار پھر بمباری کی ہے۔
عرب میڈیا کی رپورٹس کے مطابق، تازہ حملوں میں جنوبی لبنان کے سرحدی دیہات اور قصبوں کو نشانہ بنایا گیا ہے۔
عرب ذرائع کا کہنا ہے کہ اسرائیلی فضائیہ نے آج صبح جنوبی لبنان کے علاقوں میں متعدد فضائی کارروائیاں کیں۔ ان حملوں کے نتیجے میں زوردار دھماکے سنے گئے اور کئی مقامات سے
دھوئیں کے بادل اٹھتے دکھائی دیے۔
تاحال ان حملوں میں ہونے والے جانی یا مالی نقصان کی حتمی تفصیلات سامنے نہیں آئی ہیں۔
اسرائیل کی جانب سے یہ کارروائیاں ایک ایسے وقت میں کی گئی ہیں جب لبنان اور اسرائیل کی سرحد پر گزشتہ کئی ہفتوں سے حالات انتہائی کشیدہ ہیں۔
عرب میڈیا کے مطابق اسرائیلی طیارے مسلسل لبنانی فضائی حدود کی خلاف ورزی کر رہے ہیں، جس کے باعث پورے خطے میں بڑے پیمانے پر جنگ چھڑنے کے خدشات منڈلا رہے ہیں۔
