کوئٹہ، 27 اپریل ،بلوچستان ہیلتھ کارڈ پروگرام کے ذریعے عوام کو مفت اور معیاری علاج کی فراہمی یقینی بنائی جا رہی ہے،
یہ بات وزیر اعلیٰ بلوچستان میر سرفراز بگٹی کی جانب سے ایکس پر دیاگیا ہے
انہوں نے کہا کہ بلوچستان کے شہریوں کی آسانی کےلیے ہر شہری کا شناختی کارڈ ہی اسکا ہیلتھ کارڈ قرار دیا گیا ہے،
بلوچستان ہیلتھ کارڈ پر نہ صرف بلوچستان میں بلکہ ملک بھر میں بڑے اور پرائیویٹ اسپتالوں کے نیٹ ورک کو بلوچستان صحت کارڈ میں شامل کیا گیا ہے،
میر سرفراز بگٹی کے مطابق اب تک بلوچستان ہیلتھ کارڈ پروگرام کے تحت 3 لاکھ 45 ہزار مریضوں کو علاج کی سہولیات فراہم کی گئیں ہیں
جبکہ ، ہیلتھ کارڈ کے ذریعے 69 ہزار ڈائیلاسز، 44 ہزار سے زائد کیموتھراپی اور 1200 سے زائد ریڈیوتھراپی سیشنز مکمل ہوئی ہیں
اس کے علاؤہ دل کے مریضوں کے لیے 7,784 اینجیوپلاسٹی اور 575 بائی پاس سرجریز کامیابی سے کی گئیں،
وزیر اعلیٰ بلوچستان نے کہا ہے کہ بچوں کے دل کے 304 کیسز کا مفت علاج، ہیلتھ کارڈ پروگرام عوام کے لیے بڑی سہولت بن گیا،
اس کے علاؤہ 3,412 نیورو سرجریز اور 12,300 آرتھوپیڈک سرجریز کی گئیں، جبکہ برنز اینڈ پلاسٹک سرجری کے 183 کیسز بھی ہیلتھ کارڈ کے تحت مکمل کیے گئے، حکومت بلوچستان کے ہیلتھ کارڈ پروگرام سےماں اور بچے کی صحت کے لیے 55 ہزار سے زائد کیسز ہینڈل، ہزاروں خواتین مستفید ہوئی ہیں، جبکہ24 ہزار 688 نارمل ڈیلیوریز اور 20 ہزار 344 سی سیکشنز ہیلتھ کارڈ کے تحت کیے گئے،
وزیر اعلیٰ بلوچستان میر سرفراز بگٹینے مزید کہا کہ صوبائی حکومت صحت کے شعبے میں مزید بہتری اور سہولیات کے فروغ کے لیے پرعزم ہے،
