کوئٹہ سمیت بلوچستان بھر میں جے یو آئی کی کال پر شٹر ڈاؤن ہڑتال، تجارتی مراکز بند

کوئٹہ(خبردار نئوز ) بلوچستان بھر میں آج جمعیت علمائے اسلام (جے یو آئی) کی اپیل پر مکمل شٹر ڈاؤن ہڑتال کی جا رہی ہے۔ ہڑتال کے باعث صوبائی دارالحکومت کوئٹہ سمیت دیگر اضلاع

میں تمام چھوٹی بڑی مارکیٹیں اور تجارتی مراکز بند ہیں۔

جے یو آئی کی جانب سے یہ احتجاجی کال پشاور میں پارٹی کے اہم رہنما شیخ ادریس کے حالیہ قتل اور مدارس کو سیل کیے جانے کے اقدامات کے خلاف دی گئی ہے۔ جے یو آئی کے رہنماؤں

کا کہنا ہے کہ امن و امان کی بگڑتی صورتحال اور دینی اداروں کے خلاف کارروائیاں ناقابل قبول ہیں۔

مرکزی انجمن تاجران نے بھی جے یو آئی کی اس ہڑتال کی مکمل حمایت کا اعلان کیا ہے، جس کی وجہ سے شہر کے اہم کاروباری علاقوں بشمول جناح روڈ، لیاقت بازار اور سرکلر روڈ پر

سناٹا چھایا ہوا ہے۔

ہڑتال کے پیش نظر شہر کے مختلف مقامات پر سیکیورٹی کے سخت انتظامات کیے گئے ہیں تاکہ کسی بھی ناخوشگوار واقعے سے نمٹا جا سکے۔