بلوچستان بورڈ: میٹرک سالانہ امتحانات 2026 کے نتائج کا اعلان، لورالائی کے طلبہ کی برتری

​

کوئٹہ: بلوچستان ثانوی و اعلیٰ ثانوی تعلیمی بورڈ نے میٹرک کے سالانہ امتحانات 2026 کے نتائج جاری کر دیے ہیں۔
چیئرمین بورڈ محمد اسحاق اور کنٹرولر امتحانات ڈاکٹر ضیاء الحق کاکڑ نے باضابطہ طور پر نتائج کا اعلان کیا۔
​جاری کردہ اعداد و شمار کے مطابق دہم جماعت کے امتحانات میں طلبہ کی کارکردگی شاندار رہی، جہاں مجموعی کامیابی کا تناسب 89.32 فیصد رہا۔
سائنس گروپ میں کامیابی کی شرح 91.59 فیصد جبکہ ہیومینٹیز گروپ میں 75.66 فیصد ریکارڈ کی گئی۔
​دوسری جانب نویں جماعت کے نتائج میں مجموعی طور پر 73.56 فیصد طلبہ کامیاب قرار پائے۔
نویں جماعت کے سائنس گروپ کا نتیجہ 73.91 فیصد رہا، تاہم ہیومینٹیز گروپ میں کامیابی کا تناسب کافی کم یعنی 36.86 فیصد رہا۔
​اس سال امتحانات میں ایک لاکھ 45 ہزار سے زائد امیدواروں نے شرکت کی۔
نمایاں پوزیشنز کے حوالے سے ضلع لورالائی کے طلبہ سرفہرست رہے، جنہوں نے دہم جماعت میں پہلی تینوں پوزیشنز حاصل کر کے اعزاز اپنے نام کیا۔