امریکی تحویل میں لیے گئے جہازوں کے عملے کی رہائی کے لیے پاکستان متحرک: اسحاق ڈار کے رابطے

اسلام آباد (نیوز ڈیسک)نائب وزیراعظم اور وزیر خارجہ سینیٹر اسحاق ڈار نے امریکی حکام کی جانب سے تحویل میں لیے گئے جہازوں پر موجود پاکستانی اور ایرانی عملے کی واپسی کے

لیے سفارتی کوششیں تیز کر دی ہیں۔

اس سلسلے میں انہوں نے سنگاپور کے وزیر خارجہ سے ٹیلیفونک رابطہ کر کے تعاون کی درخواست کی ہے۔

وزیر خارجہ اسحاق ڈار نے بتایا کہ ان جہازوں پر 11 پاکستانی اور 20 ایرانی کارکن سوار ہیں، جو اس وقت سنگاپور کے قریب سمندری حدود میں موجود ہیں۔

انہوں نے سنگاپور کے حکام سے عملے کی بحفاظت واپسی کے لیے تعاون اور حمایت طلب کی اور اس حوالے سے سنگاپور کے مثبت رویے کو سراہا۔